渝湘菜館～佐敦廟街259A號怡齡閣地下D號鋪 昨日出席活動，經過佐敦廟街時見到這一家餐廳，屯門比較少呢類型的餐廳，所以就入去試試！星期六都有午餐客飯套餐，應該星期日都有掛！ 客飯套餐有兩種，一種係圖片中的酸菜魚或水煮牛等等。另一種係木桶飯，好似係湖南菜，不過我就點了酸菜魚套餐試試。套餐包前菜一小碟、例湯一碗、主菜一款、白飯一碗，飲品需另點加錢。 酸菜魚除左盧魚肉外，還有芽菜、大白菜、酸菜、紅薯粉，另外可選大、中、小辣，我就叫了小辣，唔算辣，有辣有麻有酸菜，適合香港人口味，魚新鮮，配埋白飯例湯，真係好飽下（女士黎講）。 餐廳職員友善，點餐上餐都快速，職員仲問左我意見覺得點，我覺得唔錯，職員建議下次可以試下水煮牛肉，講到咁唔通係餐廳招牌菜？哈哈！ 至於價格，以套餐黎講我覺得可接受，當然唔可以同內地比較啦！內地酸菜魚一大盤都係50、60蚊人民幣，但香港黎講，租金人工都佔了一大部份，利潤真係好低，小型餐廳係香港係好難經營，所以要多多支持！